Տարածված կարծիք է, որ առավոտյան վարսակի փաթիլներից պատրաստված շիլան առողջության և էներգիայի բանալին է ամբողջ օրվա համար, և որ դժվար է նախաճաշի ավելի լավ այլընտրանք գտնել: Բրիտանացիները համամիտ են այս կարծիքի հետ: Պարզելու համար, թե արդյոք իսկապես այդքան օգտակար է ամեն օր վարսակի փաթիլներից պատրաստված շիլա ուտելը, ELLE-ն դիմել է սննդաբան, GrinDin հեղինակային մենյուի հեղինակ Ալիսա Շաբանովային:
Նախ, մենք շտապենք հերքել այն հայտնի առասպելը, որ ցանկացած տեսակի վարսակի փաթիլ առողջարար է: Սա հեռու է իրականությունից: «Ճիշտ» կարելի է համարել միայն ամբողջական փաթիլները՝ եփված ջրի կամ կաթի մեջ: Բոլոր շուտ լուծվող փաթիլները պարունակում են մեծ քանակությամբ շաքար, հավելումներ և համի ուժեղացուցիչներ, որոնք վնասակար են օրգանիզմի համար:
Երկրորդ, ոչ մի շիլայի օգնությամբ Դուք չեք նիհարի: Շատերը վստահ են, որ վարսակի շիլան ներառելով իրենց սննդակարգում՝ նիհարելու գործընթացն ինքնըստինքյան կսկսվի։ Գործնականում դա հնարավոր է, բայց փաթիլները պետք է լինեն ամբողջական, եփվեն ջրի մեջ, ոչ թե կաթի և առանց շաքարի ավելացման: Նաև սննդաբանները խորհուրդ են տալիս շիլա ուտել հիմնականում այն օրերին, երբ ունեք մարզումների պլան. բարդ ածխաջրերն ավելի արագ կյուրացվեն ֆիզիկական ակտիվության դեպքում:
Երրորդ, շատերը կզարմանան, բայց, չնայած տարածված կարծիքին, մաքուր վարսակի ալյուրը հեռու է առողջ նախաճաշի լավագույն տարբերակից: Բանն այն է, որ այն շատ քիչ սպիտակուց է պարունակում, որը կենսական նշանակություն ունի օրգանիզմի համար արթնանալուց հետո։ Ուստի ավելի լավ է շիլա ուտել կա՛մ երկրորդ նախաճաշին, կա՛մ այն միացնել սպիտակուցային ուտեստներին՝ ձվածեղի, շոռակարկանդակների, կաթնաշոռի կամ մի կտոր պանրի հետ։
Իսկ հիմա հաճելիի մասին։ Իհարկե, վարսակի շիլան ունի նաև օգտակար հատկություններ, որոնց մասին շատ են սիրում խոսել բժիշկներն ու սննդաբանները։ Իրոք, հենց այս հացահատիկն է, որ առաջին հերթին խորհուրդ է տրվում ներառել սննդակարգում ստամոքս-աղիքային սուր հիվանդությունների դեպքում, քանի որ այն ունի պարուրող հատկություններ, հեշտացնում է մարսողությունը և օրգանիզմը մաքրում տոքսիններից:
Վարսակի շիլայի բաղադրության մեջ բջջանյութի բարձր պարունակության շնորհիվ այն օգնում է ոչ միայն նորմալացնել աղիների աշխատանքը, այլև իջեցնել արյան մեջ շաքարի և խոլեստերինի մակարդակը։ Այն պարունակում է առողջության համար ամենակարևոր բաղադրիչները՝ մագնեզիում, կալիում, կալցիում, ֆոսֆոր, երկաթ, ցինկ և օգտակար նյութերի մի ամբողջ խառնուրդ, որոնք պատասխանատու են ոսկորների և մկանային հյուսվածքի ձևավորման և զարգացման համար:
Պատրաստեց Անի Գաբուզյանը
168․am
