Քունը առողջության հիմքն է, սակայն մեր ժամանակներում շատերի մոտ սթրեսի պատճառով այն խաթարված է։ Ինչ-որ մեկը չի կարողանում քնել, ինչ-որ մեկը գիշերն արթնանում է և այլևս չի կարողանում աչք փակել: Вести պարբերականի փոխանցմամբ՝ «Ռոսիա 1»-ի «Ամենակարևորի մասին» հաղորդաշարի ընթացքում նյարդաբան Անդրեյ Տյաժելնիկովը թվարկել է առողջ քնի կանոնները։
Ինչպե՞ս խորը քուն մտնել, նույնիսկ եթե ձեր կյանքում սթրեսները շատ են։
– Պառկեք քնելու և վեր կացեք միշտ նույն ժամին: Նույնիսկ արձակուրդում հարկավոր է պահպանել քնի գրաֆիկը։
– Քնելուց առաջ խուսափեք գաջեթներից և հեռուստացույց դիտելուց:
– Մահճակալը պետք է քնելու տեղ լինի, այլ ոչ ուտելու, կարդալու և այլն։
– Սահմանափակեք օրվա երկրորդ կեսին սուրճի և կոֆեին պարունակող սննդամթերքների օգտագործումը (թեյ, կակաո, շոկոլադ, մատե և այլն)։
– Երեկոյան սննդակարգում ներառեք մելատոնինի արտադրությանը նպաստող սննդամթերքներ՝ մեղր, բալի հյութ, պինդ պանիր, ձու:
– Քնելուց առաջ լոգանք կամ տաք ցնցուղ ընդունեք։ Կարելի է օգտագործել հանգստացնող անուշաբույր յուղեր:
– Կատարեք հատուկ շնչառական վարժություններ:
Հիշե՛ք այս յոթ ոսկե կանոնները, և անքնությունը ձեզ չի սպառնա:
