Ֆրանսիացի մոդելավորող Քրիստիան Դիորը կարծում էր, որ տգեղ կանայք չկան, կան կանայք, որոնք չգիտեն՝ ինչպես ընդգծել իրենց գեղեցկությունը…
Ժամանակին Դիորը բացահայտել է 6 դետալ, որոնց պատճառով կանայք «չխնամված» տեսք կարող են ունենալ․
Չլվացված մազեր
Ինչպես Կոկո Շանելը, այնպես էլ Քրիստիան Դիորը կարծում էր, որ ամենավատ բանը, որ փչացնում է կնոջ կերպարը՝ կեղտոտ մազերն են։ Դա ուղղակի անհարգալից վերաբերմունք է ինքներդ ձեր և ուրիշների նկատմամբ: Կինը պետք է կոկիկ լինի ամեն հարցում։
Ոչ նորմատիվ լեքսիկոն
Կանացիություն` ահա թե ինչն է պետք ընդգծել արտաքինում։ Եվ դա վերաբերում է ոչ միայն հագուստին, այլև շփվելուն ու վարքագծին։ Նույնիսկ եթե կինը նրբագեղ զգեստով է, նա չի լինի կանացի, եթե շփվելիս գռեհիկ է, կամ, որ ավելի վատ է, օգտագործում է ոչ նորմատիվ լեքսիկոն:
Անհամապատասխան հագուստ
Քրիստիան Դիորը կարծում էր, որ կինը կորցնում է իր նրբագեղությունը, երբ սխալ է հագնվում: Մասնավորապես, արտաքինը փչացնում է ոչ ճիշտ չափսի հագուստը, որը լավ չի ընդգծում կազմվածքը։ Տեսքը գցում է նաև անորակ կտորից կամ վատ կարված հագուստը։ Հագուստը պետք է իդեալականորեն ընդգծի կնոջ գեղեցկությունը և թաքցնի թերությունները:
Կոշիկի նկատմամբ ուշադրության բացակայություն
Դիորն ասում էր. «Շատ կանայք կարծում են, որ կոշիկներն այդքան էլ կարևոր չեն, սակայն կնոջ էլեգանտության իրական ապացույցն այն է, թե ինչ է նա կրում ոտքերին։
Խնամված կինը մանրազնին հետևում է զգեստապահարանի այս իրին։ Եթե նա միշտ սպորտային կոշիկներով է՝ կորցնում է իր կանացիությունը։
Չխնամված ձեռքեր
Ձեռքերը յուրաքանչյուր կնոջ այցեքարտն են։ Նրանք կարող են բացահայտել ձեր տարիքը և ցույց տալ, թե որքան եք հոգում ձեր մասին: Կարող եք ունենալ պարզ մատնահարդարում, բայց միշտ մաքուր եղունգներ և ձեռքերի հարթ մաշկ։ Եվ դա շատ հեշտ է անել, նույնիսկ տանը:
Չխնամված կրունկներ
Մենք չպետք է մոռանանք մեր ոտքերի և կրունկների մասին։ Ամռանը կրում ենք բաց կոշիկներ, զգեստներ և կիսաշրջազգեստներ, ուստի կարևոր է նաև հետևել դրանց, որպեսզի միշտ խնամված տեսք ունենան։
