Սաուդյան Արաբիայի օդային լուսանկարահանման Ot Sky ընկերության հրապարակած կադրերը ցույց են տալիս The Line-ի հայելապատ երկնաքերի շինարարության սկիզբը:
The Line-ը նորարարական երկնաքեր քաղաք է, որը կառուցվում է Սաուդյան Արաբիայի հյուսիս-արևմուտքում: Առաջին անգամ նրա մասին սկսեցին խոսել այս ամառ։ Միաժամանակ ցանցում հայտնվեցին պատկերներ ապագայի քաղաքից։
Miracle City-ն արդեն հասցրել է հայտնի դառնալ իր անսովոր դիզայնով. նախագծի պլանի համաձայն, այն բաղկացած կլինի երկու ամուր հայելային ճակատներից՝ յուրաքանչյուրը 500 մետր բարձրությամբ: Դրանք փոխկապակցված կլինեն կամուրջներով և հատուկ տրանսպորտային համակարգով։
Քաղաքը կկարողանա ընդունել ավելի քան 5 միլիոն մարդ։ Բնակիչներին խոստանում են տրամադրել բոլոր տեսակի հարմարություններ՝ խանութներ, հիվանդանոցներ, դպրոցներ, գործարաններ, գրասենյակներ։ Նրանք խոստանում են կառուցել հանգստի համար շատ վայրեր, այդ թվում՝ զբոսայգիների տարածքներ, ինչպես նաև ֆուտբոլի հսկայական դաշտ և զբոսանավերի ակումբ։
Ot Sky ընկերությունը տեսանյութ է հրապարակել, որում անօդաչու թռչող սարքի միջոցով ցույց է տվել, թե ինչ է կատարվում ֆուտուրիստական օբյեկտի շինհրապարակում։ Դրանում նախատեսվում է կառուցել 170 կիլոմետրանոց շքեղ շենքի հիմքը։
Ի սկզբանե Սաուդյան Արաբիայի իշխանությունները նախատեսում էին ավարտել մետրոպոլիայի շինարարությունը մինչև 2030 թվականը, սակայն վերջերս ժամկետների մասին խոսվում է ավելի անորոշ. նախագիծը նախատեսվում է իրականացնել առաջիկա 50 տարում:
Սիրարփի Աղաբաբյան
168.am
