Մտածեք Մալդիվների մասին, և առաջինը, որ կգա ձեր մտքին, շքեղ հյուրանոցներն են: Մեկ քայլ ավելի բարձր Gili Lankanfushi Maldives-ն է։ Շքեղ հանգստավայրը ներկայացրել է իր ամենագեղեցիկ և մեկուսի վայրը՝ The Private Reserve-ը, որն աշխարհի ամենամեծ վիլլան է ջրի վրա:
Վիլլան գտնվում է ավելի քան 1700 քմ տարածքում, կղզուց 500 մետր հեռավորության վրա և 300 մետր՝ մոտակա բնակավայրից, ինչն այն դարձնում է իդեալական նրանց համար, ովքեր փնտրում են մեկուսացում: Բացի այդ, այն հագեցած է շքեղ հարմարություններով և խոստանում է խոհարարական այնպիսի փորձ, որը նման չէ մյուսներին:
Հյուրերը շքեղ զբոսանավով տեղափոխվում են մեկուսի հրաշքների երկիր՝ անձնական նավով և սպասարկող անձնակազմով: Առանձնատունը կարող է տեղավորել մինչև 12 հյուր՝ փայտե չորս ննջասենյակներում, ունի ընդարձակ առանձնասենյակներ և բացօթյա լոգարաններ:
Մյուս հարմարությունները ներառում են մասնավոր սպա կենտրոն՝ սաունայով և գոլորշու բաղնիքով, գերժամանակակից օդորակիչով մարզասրահ և 21 մետր երկարությամբ լողավազան՝ Հնդկական օվկիանոսի համայնապատկերով: Մեկ այլ հետաքրքիր առանձնահատկություն է ջրվեժը, որը վերին տախտակամածից թափվում է ուղիղ կարալներով ու ձկներով լի ծովածոց:
Gili Lankanfushi-ի The Private Reserve-ում գները սկսվում են 8300 դոլարից՝ մեկ վիլլայում մինչև 8 հոգով մեկ գիշերվա համար, ներառյալ նախաճաշը և շքեղ նավով տեղափոխումը:
