Նման աշտարակը կարող է ոչնչացնել բոլոր անօդաչու սարքերը 4000 մետր շառավղով։ Առկա է հեռակառավարման վահանակ և զինամթերքի ընտրության խելացի համակարգ։
Փարիզում կայացած Euronaval 2022 ռազմածովային պաշտպանության ցուցահանդեսում ներկայացվել է ռազմական աշտարակի նախատիպը, որը կարող է ոչնչացնել անօդաչուների պարս։ Զարգացման մասին հաղորդում է New Atlas-ը։
Արտադրողը հայտարարել է, որ յուրաքանչյուր նոր հարձակման համակարգ խրախուսում է նոր պաշտպանական համակարգի ստեղծումը։ Այժմ նկատելի է անօդաչու թռչող սարքերի և փոքր ականների ակտիվությունը։ Այս ամենի դեմ ստեղծվեց RAPIDFire-ը։
Աշտարակը ստացել է խելացի որոնման և ուղղորդման համակարգ։ Ինքը՝ սարքը, գտնում է դրոններ ու կրակում հենց թիրախի վրա։ Մարդն այստեղ անելիք չունի։ Ոչնչացման շառավիղը 4000 մետր է։
Նորույթը պարունակում է 140 արկ, որը պետք է բավարարի անօդաչուների 30 ալիքների համար։ Կա նաև բազմասպեկտրային տեսարան, գերարագ լազերներ և հեռակառավարման համակարգ։ RAPIDFire-ի ստեղծողն ընդգծել է, որ դրանց հրացանի մեջ կարելի է լցնել տարբեր տեսակի պարկուճներ։ Աշտարակն ինքը կարող է որոշել թիրախը և վերցնել ճիշտ զինամթերքը:
Նման աշտարակը կարող է տեղակայվել փոքր նավերի, ափերի, բեռնատարների և շենքերի վրա: Սարքը նախատեսվում է զանգվածային արտադրության մեջ դնել 2023 թվականին։
Սիրարփի Աղաբաբյան
168.am
