Բաղադրիչներ
1. Ալյուր – 200 գ
2. Շաքարավազ – 130 գ
3. Կարագ – 100 գ
4. Ձու – 2 հատ
5. Նարինջ – 1 հատ
6. Վանիլին – 1 թ/գ
7. Փխրեցուցիչ – 1 թ/գ
8. Շաքարի փոշի
Պատրաստման եղանակը
1. Նարինջը կեղևազրկել, կեղևը շատ մանր քերիչով քերել (միայն նարնջագույն մասը): Նարնջի հյութը քամել: Կարագը հալեցնել, մի փոքր սառեցնել: Կարագի մեջ ավելացնել ձուն, շաքարավազը և վանիլինը, խառնել:
2. Զանգվածին ավելացնել նարնջի կեղևը, հյութը, խառնել գդալով: Ավելացնել ալյուրը և փխրեցուցիչը, գդալով խառնել, մինչև միասեռ զանգված ստանալը:
3. Կաղապարների մեջ տեղադրել հատուկ թղթե կաղապարները, յուրաքանչյուրի մեջ խմոր լցնել կաղապարի 3/4-ի չափով: Թխել մոտ 30 րոպե, 180 աստիճան տաքացրած ջեռոցում: Պատրաստի մաֆինները սառեցնել, վրան շաքարի փոշի շաղ տալ, զարդարել նարնջի կեղևով, մատուցել:
Պատրաստեց Անի Գաբուզյանը
168.am
