Ձյունաճերմակ հարսանյաց զգեստ, ծաղիկների նուրբ փունջ և ընկերուհիների ուրախության արցունքները… Հարսանիքը շատ աղջիկների նվիրական երազանքն է։ Բայց… Կենդանակերպի որոշ ներկայացուցիչներ չեն շտապում ամուսնանալ, նույնիսկ եթե գտել են ճիշտ մարդուն։ Ընդհանրապես նրանք նախընտրում են ինտիմ հարաբերություններ վայելել՝ առանց մատին ամուսնական մատանու, գրում է Elle.ru-ն:
Ջրհոս
Չնայած այն հանգամանքին, որ այս համաստեղության ներկայացուցիչները հաճույքով տրամադրվում են երկարաժամկետ հարաբերությունների, զուգընկերը միշտ պետք է նրանց բավարար տարածք տրամադրի ինքնաբուխ որոշումների և գործողությունների համար: Ինչ վերաբերում է ամուսնանալուն և ընտանիք կազմելուն, Ջրհոսներն արագ փախչում են, քանի որ ամուսնությունը համարում են վտանգ իրենց ազատության համար:
Երկվորյակներ
Իրավիճակը բոլորովին այլ է այս շփվող ու կենսուրախ նշանի հետ կապված։ Նրանք ժամադրվում են պրոֆեսիոնալների պես, բայց ինչ-որ պահի կարող են արագ փախչել ամենառոմանտիկ հորձանուտից։ Երկվորյակների հիմնական վախն այն է, որ ինչ-որ մեկին ցույց տան իրենց իսկական ես-ը և քննադատության ենթարկվեն:
Աղեղնավոր
Աղեղնավորները սիրում են ներդաշնակություն և շատ հոգատար են, երբ խոսքը վերաբերում է իրենց սիրելիին: Բայց եթե փորձեք նրանց վրա գցել ամուսնության կապանքները, նրանք հնարավոր բոլոր ձևերով կդիմադրեն: Աղեղնավորների համար ազատությունը և արկածները հատկապես կարևոր են՝ արժեքներ, որոնք նրանց համար շատ դժվար է կապել ամուսնության հետ: Սակայն մյուս նշաններից նրանց առանձնացնում է այն, որ նրանք իսկապես երազում են ընդմիշտ սիրահարվել:
Պատրաստեց Անի Գաբուզյանը
168.am
