TikTok-ը պատրաստվում է միջոցներ ձեռնարկել կանխելու վճարովի քաղաքական գովազդի հրապարակումը ԱՄՆ միջանկյալ ընտրությունների նախապատրաստման համար։ Այս մասին հայտարարել է ԱՄՆ-ում սոցցանցի անվտանգության ծառայության ղեկավար Էրիկ Խանը։ Ընտրությունները տեղի կունենան նոյեմբերին։
«Մեր անվտանգության փորձագետները կհետևեն նշաններին, որ ազդեցիկ բլոգերները վարձատրվում են քաղաքական նյութեր տեղադրելու համար: Մեր կանոնները խախտող բովանդակությունը կհեռացվի: ԱՄՆ Կոնգրեսի միջանկյալ ընտրությունների հետ կապված բոլոր նյութերը հատուկ կնշվեն»,- ասվում է հաղորդագրության մեջ։
Խանը շեշտել է, որ սոցիալական ցանցը ստուգում է համայնքի անդամների հաղորդած բովանդակությունն ու հաշիվները, ինչպես նաև համագործակցում է փաստերը ստուգող հավատարմագրված կազմակերպությունների հետ։ Նրանք օգնում են TikTok-ին գնահատել բովանդակության իսկությունը 30 լեզուներով, սակայն վերջնական մոդերացիայի համար պատասխանատու են սոցիալական ցանցի ներկայացուցիչները։
Համայնքային ուղեցույցներն արգելում են վճարովի քաղաքական գովազդը, ապատեղեկատվությունը, ոտնձգությունը, ծայրահեղականությունը և հարթակի միջոցով տարածվող ատելության խոսքը:
2021 թվականի վերջին TikTok-ը դարձավ աշխարհում ամենաշատ այցելվող ինտերնետային ռեսուրսը` առաջ անցնելով Google-ից, Facebook-ից, Netflix-ից և YouTube-ից:
Սիրարփի Աղաբաբյան
168.am
