Mapbox ընկերության քարտեզների դիզայներ Թոփի Տյուկանովը ստեղծել է Երկիր մոլորակի ինտերակտիվ քարտեզ, որտեղ յուրաքանչյուր երկրի, քաղաքի ու գյուղի մակարդակով ներկայացված են տվյալ շրջանի հայտնի մարդկանց անունները։ Քարտեզը ներառում է գրեթե բոլոր երկրները։
Քարտեզում առկա տվյալները վերցված են Վիքիպեդիայից։ Հայտնիների ընտրության հիմքում մի քանի չափանիշներ են, օրինակ համացանցում տվյալ անձի հիշատակումների քանակը, էջերի դիտումների հաճախականությունը՝ 2015-2018 ժամանակահատվածի համար, կենսագրության երկարությունը, արտաքին հղումների քանակը և այլն։
Քարտեզն ունի որոնման մի քանի պատուհան, որի միջոցով հնարավոր է դառնում քարտեզի վրա հայտնիներին տեսնել ըստ նրանց գործունեության ոլորտի՝ քաղաքական և մշակությային գործիչներ, մարզիկներ, գիտնականներ։ Ցավոք, քարտեզը նախատեսված է ցույց տալու հայտնիության ամենաբարձր վարկանիշն ունեցող միայն մեկ մարդու, այնպես որ, եթե մի քանի փայլուն գիտնականներ կողք կողքի աշխատեին նույն համալսարանում, ապա քարտեզում տեղ կգտնի նրանցից միայն մեկը:
Օրինակ, ըստ այդ ինտերակտիվ քարտեզի, Հայաստանի ամենահայտնի մարդը Գեորգի Գյուրջիևն է, իսկ առանձին շրջաններում հանդիպում ենք Թաթուլ Կրպեյանի, Վազգեն Սարգսյանի, Հովաննես Թումանյանի, Արմեն Ջիգարխանյանի և այլ անվանի մարդկանց անունների։
Քարտեզին կարող եք ծանոթանալ այստեղ։
