Օգոստոսի 10-ին Samsung-ը կանցկացնի Samsung Unpacked 2022-ի ամենախոշոր շնորհանդեսներից մեկը։ Միջոցառմանը, որի մասին հայտարարվել է հանելուկի օգնությամբ, կցուցադրեն նոր սերնդի ճկուն կաղապարով և շրջվող սմարթֆոններ։ Կներկայացվեն նաև խելացի ժամացույցների, ականջակալների և աքսեսուարների երկու մոդել։
Galaxy Z Fold 4
Տարբերությունները Galaxy Z Fold 4-ի և Galaxy Z Fold 3-ի միջև՝ նոր Snapdragon 8+ Gen 1 չիպ, 50, 12 և 12 ՄՊ լուծաչափով տեսախցիկներ, առջևի մոդուլ՝ 16 ՄՊ, աջակցություն 3x խոշորացման, նոր գույներ, 16 ԳԲ օպերատիվ հիշողություն:
Galaxy Z Flip 4
Տարբերությունները Galaxy Z Flip 4-ի և Galaxy Z Flip 3-ի միջև՝ նոր Snapdragon 8+ Gen 1 չիպ, 12 և 12 ՄՊ լուծաչափով տեսախցիկներ, առջևի մոդուլ՝ 10 ՄՊ, նոր գույներ, 8 ԳԲ օպերատիվ հիշողություն:
Galaxy Watch 5 և Galaxy Watch 5 Pro
Շնորհանդեսում կցուցադրվեն նոր սերնդի խելացի ժամացույցներ։ Ընդհանուր առմամբ, հասանելի կլինի երեք մոդել՝ 40 և 44 մմ Galaxy Watch 5 և 45 մմ Watch 5 Pro: Վերջինս կունենա տիտանե պատյան և մեծացված մարտկոց:
Ժամացույցը չափելու է սրտի հաճախությունը, թթվածնով հագեցվածությունը և ԷՍԳ-ն: Ներսում տեղադրված է Exynos W920 չիպը և 16 ԳԲ օպերատիվ հիշողություն։ Samsung-ը փոքր-ինչ վերանայել է ժամացույցի Pro տարբերակի տեսքը։ Այն ստացել է ավելի մինիմալիստական շրջանակ:
Galaxy Buds 2 Pro
Galaxy Buds 2 Pro-ի և առաջին սերնդի միջև շատ տարբերություններ չկան: Կտեղադրվեն 10 մմ բարձրախոսներ՝ տարածական աուդիո աջակցությամբ։ Անջրանցիկ IPX7 և մինչև 8 ժամ մարտկոցի աշխատունակություն: Կապի համար պատասխանատու է Bluetooth 5.3-ը:
Աքսեսուարներ
Մանրուքներից Samsung-ը պատրաստել է նոր ժապավեններ Galaxy Watch 5 շարքի համար, պատյաններ և էկրանի պաշտպանիչներ Galaxy Z Flip 4-ի և Galaxy Z Fold 4-ի համար, ինչպես նաև հատուկ պատյան Galaxy Z Fold 4-ի համար՝ ստիլուսի պահպանման բնիկով։
Սիրարփի Աղաբաբյան
168.am
