Ծուլությանը վերջ տալու համար պետք է ոչինչ չանել
Իրոք: Կանգնեք սենյակի մեջտեղում եւ ոչինչ մի արեք, ընդհանրապես ոչինչ. մի կերեք, մի խմեք, մի կարդացեք, մի պառկեք, երաժշտություն մի լսեք: Տասնհինգ րոպե էլ չի անցնի եւ դուք անպայման գործի կանցնեք:
Հինգ րոպեի գործ է
Ձեզ ստիպեք հինգ րոպե աշխատել, դա անհամեմատ ավելի հեշտ է, քան գործի անցնել` գիտակցելով, որ ստիպված ես լինելու ամբողջ օրը չարչարվել: Հինգ րոպե ինչի ասես, կարելի է դիմանալ եւ միաժամանակ դա բավարար է աշխատել սկսելու համար: Հետո արդեն դուք չեք կարողանա կանգ առնել:
Մեծ գործերը մասերի բաժանեք
Մեծ խնդրի լուծում ձեռնարկելն ուղղակի անհնար է: Այն փոքր մասերի բաժանեք եւ հերթով կատարեք. դա անհամեմատ ավելի հեշտ է:
Կորչեն առօրյա զբաղմունքները
Ամեն ջանք գործադրել, միայն թե ոչինչ չանե՞ս: Ուտել, սպասք լվանալ, խանութ գնալ, ստուգել փոստը, լուրեր դիտել, ընթերցել ընկերների բլոգները… Պարզ է, որ այդ ամենը շեղում է հիմնական առաջադրանքներից եւ կարող է կատարվել միայն ազատ ժամանակ:
Աշխատեք վաղ առավոտից
Մարդիկ լինում են «արտույտ» եւ «բու»: Բուն սովորաբար ամբողջ օրը ծուլանում է` անվերջ պատրվակներ հորինելով, եւ միայն երեկոյան է գործի անցնում: Սիրելիներս, մենք կարող ենք հավասարապես աշխատել ինչպես ցերեկը, այնպես էլ երեկոյան:
Պարգեւատրեք ձեզ
Ցանկացած աշխատանք պետք է պարգեւատրվի, այդ պատճառով աշխատելիս օգտակար է ժամանակին խրախուսել ինքն իրեն: Եթե գործի մի մասն արել եք, մի բաժակ սուրճ խմեք ցանկացած թխվածքաբլիթով, զբոսնեք կամ էլ ուղղակի 5 րոպե հանգստացեք: Դա լավ սովորույթ է:
Վաղվան մի հետաձգեք
Վաղը շաբաթվա ամենածանրաբեռնված օրն է. չէ որ մենք անընդհատ գործերը վաղվան ենք հետաձգում: Եթե ուզում եք կյանքը նորից սկսել, արեք դա հենց հիմա, վաղը շատ շտապ գործ կհայտնվի եւ դուք ուղղակի ձեր միտքը կփոխեք: Նույնիսկ եթե արդեն բավականին ուշ է, ձեր գործն այսօր սկսեք. սկսածն ավարտելն ավելի հեշտ է, քան նորը սկսելը:
