Սրտանոթային հիվանդությունները աշխարհում մահացության գլխավոր պատճառներից են։ Շաքարախտը եւս մեկ սպառնալիք է աշխարհի բնակչության առողջության համար:
Բարեբախտաբար, կան այնպիսի մթերքներ, ինչպիսին բալն է, որոնք կարող են օգնել պայքարել այս հիվանդությունների դեմ, գրում է Food.News-ը։
Մեկ բաժակ (154 գրամ) քաղցր, հում, առանց կորիզների բալը պարունակում է 97 կալորիա, երկու գրամ սպիտակուց, 25 գրամ ածխաջրեր եւ երեք գրամ բջջանյութ: Բացի այդ, բալը հարուստ է C, B եւ K վիտամիններով, կալիումով, պղնձով, մանգանով եւ պոլիֆենոլներով։
Բալը լայնորեն օգտագործվում է հնդկական այլընտրանքային եւ ավանդական չինական բժշկության մեջ՝ արթրիտի եւ հոդատապի բուժման համար:
Դեռեւս 1950-ականներին հետազոտողները պարզել են, որ բալը կարող է օգնել նվազեցնել արթրիտի ախտանիշները եւ նպաստել հոդերի շարժունակության ավելացմանը:
Գիտնականները նաեւ պարզել են, որ բալի օգտագործումը նվազեցնում է բորբոքման մարկերները եւ կարող է օգնել նվազեցնել արթրիտի վտանգը:
Հայտնի է նաեւ, որ բալը օգնում է թեթեւացնել վարժությունների հետեւանքով առաջացած մկանային ցավը, թեթեւացնել արթրիտի ցավը եւ նպաստել ավելի հանգիստ քնին։
Բացի այդ, բալը օգնում է նվազեցնել արյան ճնշումը, արյան մեջ շաքարի մակարդակը, վատ խոլեստերինը եւ տրիգլիցերիդները:
