Հիմնական iPhone-ները գնորդների համար ավելի քիչ գրավիչ կդառնան, բայց իմաստը հենց դրանում է։
Մարտին համացանցում առաջին անգամ խոսակցություններ հայտնվեցին, որ Apple-ը կավելացնի տարբերությունները iPhone 14-ի և iPhone 14 Pro-ի միջև: Հետո հաղորդվեց, որ վերջին A16 Bionic պրոցեսոր կստանան սմարթֆոնների միայն Pro-տարբերակները, մինչդեռ բազային մոդելները կմնան անցյալ տարվա A15 Bionic-ի վրա։ Ավելի ուշ այս տեղեկությունը հաստատել է Bloomberg-ը, իսկ այժմ՝ հայտնի ինսայդեր Մինգ-Չի Կուոն։
Աղբյուրի համաձայն՝ նույն շարքի սմարթֆոնների լցոնման տարբերությունները թելադրված են ոչ թե չիպերի պակասով, այլ Apple-ի նոր բիզնես ռազմավարությամբ։ Մեծացնելով iPhone 14 Pro-ի առավելությունների քանակը՝ արտադրողը հույս ունի ավելի թանկ մոդելներն էլ ավելի հայտնի դարձնել սպառողների շրջանում։
Եթե նախկինում ակնկալվում էր, որ մինչև 2022 թվականի վերջ iPhone 14 Pro-ն կկազմի նոր մոդելների վաճառքի 40%-50%-ը, ապա այժմ այդ գնահատականը հասցվել է 60%-ի:
Կոուն հաստատում է, որ այսուհետ Apple-ի վերջին չիպերը բացառիկ կլինեն լավագույն Pro տարբերակների համար: Այսինքն՝ ընկերությունն այլևս չի թողարկի սովորական iPhone-ներ՝ իրենց վերջին չիպերով։
Եթե դա հաստատվի, ապա iPhone 13 մոդելների քառյակը կլինի Apple-ի պատմության մեջ վերջինը՝ նույն պրոցեսորներով։ Այնուամենայնիվ, ֆլագմենների վրա հիմնված նոր ռազմավարությունը դժվար թե կարելի է անսպասելի անվանել։ Apple-ը նման բան է անում իր iPad շարքի հետ, որտեղ ավելի թանկ մոդելներն օգտագործում են նույն չիպերը, ինչ Mac-երը, մինչդեռ ավելի էժան պլանշետներում օգտագործվում են iPhone-ի չիպեր:
Հիշեցնենք նաև, որ հաջորդ աշնանը սպասվում է Apple-ի չորս սմարթֆոն՝ iPhone 14, iPhone 14 Max (6,7 դյույմանոց տարբերակը, որը կփոխարինի mini-ին), iPhone 14 Pro և iPhone 14 Pro Max: Վերջին երկուսը կտարբերվեն ոչ միայն չիպերով, այլև տեսախցիկներով ու էկրաններով։
Սիրարփի Աղաբաբյան
168.am
