Բաղադրիչներ
1. Արևածաղկի սերմեր – 1 բաժակ
2. Ալյուր – 0.75 բաժակ
3. Շաքարավազ – 1/4-1/3 բաժակ
4. Ջուր – 50 մլ
5. Բուսայուղ -50 մլ
6. Վանիլին – 1/4 թ/գ
Պատրաստման եղանակը
1. Անընդհատ խառնելով՝ թավայի մեջ տապակել արևածաղկի մաքրած սերմերը:
2. Տապակել նաև ալյուրը: Այն պետք է ստանա դեղնավուն երանգ և ունենա շատ հաճելի բույր:
3. Արևածաղկի սերմերը լավ հարել բլենդերով:
4. Երբ արևածաղկի սերմերը բլենդերի մեջ վերածվեն ալյուրի, ավելացնել բուսայուղը: Նորից հարել: Պետք է ստացվի արևածաղկի սերմերի մածուկ:
5. Խառնել իրար ալյուրը և արևածաղկի մածուկը: Պետք է այնպես խառնել, որ գնդիկներ չմնան: Ավելացնել վանիլինը:
6. Ջրից և շաքարավազից օշարակ եփել:
7. Մի փոքր պնդացած օշարակը լցնել ալյուրի և արևածաղկի զանգվածի մեջ: Լավ խառնել:
8. Կաղապարը յուղապատել: Հալվան տեղադրել կաղապարի մեջ և մի քանի ժամով դնել սառնարանը: Մատուցել սառը վիճակում:
Պատրաստեց Անի Գաբուզյանը
168.am
