2022 թվականի հունիսն «առատ» է սերիալների մի քանի նոր եթերաշրջանների առումով։ Նորություններ նույնպես կլինեն, մասնավորապես՝ «Թղթե տան» հարավկորեական տարբերակը և «Միսս Մարվել» սուպերհերոսական ֆիլմը:
Հունիսի պրեմիերաները՝
«Միսս Մարվել» (Ms. Marvel)
Թողարկման ամսաթիվ՝ հունիսի 8
Սեզոն՝ առաջին
Ըստ սյուժեի՝ 16-ամյա մահմեդական Կամալա Խանը Կապիտան Մարվելի մեծ երկրպագուն է։ Ինչպես բոլոր դեռահասները, այնպես էլ աղջիկը փնտրում էր իր տեղն այս մեծ աշխարհում, մինչև ձեռք բերեց իր սիրելի հերոսների գերհզորություններից:
Սերիալը կունենա 6 սերիա։ Գլխավոր դերը կկատարի Իման Վելանին։ Նա պակիստանա-կանադացի դերասանուհի է Օնտարիոյից: «Միսս Մարվել» շոուին մասնակցելը կլինի դերասանուհու էկրանային դեբյուտը։ Իսկ Marvel Cinematic Universe-ում առաջին անգամ կհայտնվի մահմեդական հերոսուհի, որը կունենա գերուժ։
«Սուր հովարներ» («Peaky Blinders»)
Թողարկման ամսաթիվ՝ հունիսի 10
Սեզոն՝ 6-րդ և վերջին
Նոր սերիաներում Թոմաս Շելբին կհանդիպի բրիտանացի ֆաշիստների առաջնորդ Օսվալդ Մոսլիի և առեղծվածային նոր կերպարի հետ: Նրանց կռիվը տեղի է ունենալու թե՛ փողոցում, թե՛ քաղաքական դաշտում։ Բացի Քիլիան Մերֆիից և Սեմ Քլաֆլինից, սերիալում խաղացել են նաև Անյա Թեյլոր-Ջոյը, Թոմ Հարդին և Փոլ Անդերսոնը։
Թղթե տուն
Թողարկման ամսաթիվ՝ հունիսի 24
Սեզոն՝ առաջին
Սա Netflix-ի «Թղթե տուն» իսպանական սերիալի կորեական տարբերակն է։ Այս անգամ հերոսները մեծ կողոպուտ են իրականացնելու Կորեայում: Թրեյլերում երևում է Յու Չի Թհեն՝ կանգնած իսպանական բնօրինակ ֆիլմից Սալվադոր Դալիի դեմքով դիմակների առաջ: Նա մեկնում է ձեռքը և վերցնում դրանցից մեկը։
Տեսանյութում ներկայացված է նաև Յունջին Քիմը։ Թիզերի վերջում կողոպուտի մասնակիցները ցուցադրվում են իրենց ծածկանուններով։
Ադապտացիայի ռեժիսորը Կիմ Հոն Սոնն է, իսկ սցենարի հեղինակն է Ռյու Էն Ջեն։ Առաջին սեզոնը կունենա 12 սերիա՝ 60 րոպե տևողությամբ։
«Ակադեմիա Ամբրելլա»
Թողարկման ամսաթիվ՝ հունիսի 22
Սեզոն՝ 3-րդ
Սերիալը տեղի է ունենում այլընտրանքային իրականությունում։ Միաժամանակ երեխաներ են ծնվում՝ օժտված գերհզորությամբ: Սըր Ռեջինալդա Գարգրիուսը փրկում է 7 նորածնի «The Umbrella Academy» ստեղծելու սպառնալիքներից: Նրանք միասին կօգտագործեն իրենց գերհզորությունները Երկիրը պաշտպանելու նպատակով։
Երրորդ եթերաշրջանում կցուցադրվեն բոլոր զուգահեռ ժամանակային գծերը:
«Տղաներ» («The Boys»)
Թողարկման ամսաթիվ՝ հունիսի 3
Սեզոն՝ 3-րդ
Եթե հեռուստադիտողները հոգնել են ֆիլմերից, որոնցում գերհզոր սուպերհերոսներն օգնում են մարդկանց, ապա «The Boys»-ը լավ տարբերակ կլինի, քանզի այս նախագծում ցույց են տալիս թե ինչ կլինի, եթե գերհզորություն ունեցող մարդիկ հետապնդեն իրենց սեփական շարժառիթները և աշխատեն կորպորացիայի համար՝ չմտածելով դրա աշխատանքի և հետևանքների մասին:
«Մոտ ընկերներ» («Queer as folk»)
Թողարկման ամսաթիվը՝ հունիսի 9
Սեզոն՝ առաջին
«Մոտ ընկերներ» դրաման հիմնված է բրիտանական համանուն սերիալի վրա, որը թողարկվել է 1999 թվականին։ Այն նաև ստեղծվել է 2000 թվականի կանադա-ամերիկյան ռիմեյքի տեսքով:
Նոր տարբերակի գործողությունները կծավալվեն Նոր Օռլեանում, պատմության կենտրոնում ընկերների խումբ է, որոնց կյանքը գլխիվայր շուռ է գալիս սարսափելի ողբերգությունից հետո:
«Սիրով, Վիկտոր» («Love, Victor»)
Թողարկման ամսաթիվը՝ հունիսի 15
Սեզոն՝ 3-րդ
Դեռահասների դրամայի երրորդ թողարկումը մի երիտասարդի մասին է, որը տեղափոխվելուց հետո ստիպված է ոչ միայն ընտելանալ իր նոր տանը, դպրոցին և շրջապատին, այլև զբաղվել իր սեռական կողմնորոշմամբ: Նա հոմոսեքսուալ է և վստահ չէ դրա մասին բարձրաձայն հայտարարելու հարցում, հետևաբար անընդհատ անհարմար իրավիճակների մեջ է հայտնվում։
«Արևմտյան աշխարհ կամ Վայրի Արևմուտքի աշխարհը» («Westworld»)
Թողարկման ամսաթիվը՝ հունիսի 26
Սեզոն՝ 4-րդ
Ջոնաթան Նոլանի և Լիզա Ջոյի գիտաֆանտաստիկ ֆիլմի 4-րդ սեզոնը, որտեղ զվարճանքների ֆուտուրիստական այգու անդրոիդները, որոնք տարիներ շարունակ այցելուների ծաղրանքներին ու բռնությանն են ենթարկվել, կամք են ձեռք բերում և վայելում իրենց ազատությունը:
«Սպանություններ մեկ շենքում» («Only Murders in the Building»)
Թողարկման ամսաթիվը՝ հունիսի 28
Սեզոն՝ 2-րդ
Մանհեթենի բարձրահարկ շենքի 3 բնակիչները հանկարծ հայտնվում են մի սպանության հետաքննության մեջ, որը տեղի է ունեցել հենց իրենց քթի տակ: Կատակերգությունը Նյու Յորքի բնակելի համալիրի բնակիչների մասին է, որոնք ոչ մի ընդհանուր բան չունեն, երևի միայն ընդհանուր տանիքն ու սերն իրական հանցագործության մասին փոդքասթերի նկատմամբ: Երբ իրենց տան հարևաններից մեկին մահացած են գտնում, հերոսները ծանոթանում են միմյանց հետ և որոշում իրենց սեփական հետաքննությունը անցկացնել և միևնույն ժամանակ իրենց ուժերը փորձել փոդքասթինգում։ Գլխավոր դերերում են Սթիվ Մարտինը, Սելենա Գոմեսը և Մարտին Շորթը։
«Իրմա Վեպ» («Irma Vep»)
Թողարկման ամսաթիվը՝ հունիսի 6
Հոլիվուդյան աստղ Միրան դեր է ստանում հեղինակային նախագծում՝ Լուի Ֆեյադի «Արնախումները» համր սերիալի ռիմեյքում։ Միրան գալիս է Ֆրանսիա՝ ոչ միայն ֆիլմում նկարահանվելու, այլև իրեն՝ սիրած աղջկանից բաժանվելուց հետո վերագտնելու համար: Սակայն ռեժիսոր Ռենե Վիդալը, պարզվում է, չափազանց էքսցենտրիկ է, իսկ դերասանուհին էլ, իր հերթին, այնքան է խորասուզված աշխատանքի մեջ, որ սկսում է կորցնել իրականության հետ կապը։ Գլխավոր հերոսուհին Ալիսա Վիկանդերն է:
