1. «Չայկովսկի», 1970թ.
Ինոկենտի Սմոկտունովսկին, Եվգենի Լեոնովը, Ալլա Դեմիդովան, Մայա Պլիսեցկայան և այլ աստղեր նկարահանվել են «Չայկովսկի» ֆիլմում: Չնայած վառ թիմին, ֆիլմը միանշանակ գնահատականի չի արժանացել ոչ միայն Ռուսաստանում, այլ նաև արտասահմանում: Ֆիլմն արժանացել է մրցանակի Սան Սեբաստիանի փառատոնում, սակայն «Օսկար», այնուամենայնիվ, չի կարողացել վերցնել:
2. «Գերմանական զորքերի ջախջախումը Մոսկվայի մերձակայքում», 1943թ.
«Լավագույն վավերագրական ֆիլմ»
Սա խորհրդային ռեժիսորներ Իլյա Կոպալինի և Լեոնիդ Վառլամովի վավերագրական ֆիլմն է, որն ամերիկյան վարձույթում կրում էր «Մոսկվան հասցնում է պատասխան հարվածը» անվանումը: Առաջին խորհրդային ֆիլմն է, որն արժանացել է «Օսկարի»:
3. «Պատերազմ և խաղաղություն», 1965թ.
«Լավագույն օտարալեզու ֆիլմ»
Կուլտային ֆիլմ՝ նկարահանված Լև Տոլստոյի համանուն վեպի հիման վրա, արժանացել է «Օսկարի» «Լավագույն օտարալեզու ֆիլմ» անվանակարգում՝ անցնելով Միլոշ Ֆորմանի «Հրշեջների պարահանդեսը» և Ֆրանսուա Տրյուֆոյի «Գողացված համբույրներ» ֆիլմերից: Ֆիլմի բյուջեն կազմել է 560 մլն ԱՄՆ դոլար:
4. «Կարամազով եղբայրներ», 1968թ.
Ֆյոդոր Դոստոևսկու վեպի էկրանավորումը տեղի ունեցավ «Պատերազմ և խաղաղությունից» անմիջապես հետո: Ֆիլմը, որում նկարահանվել են Միխայիլ Ուլյանովը, Կիրիլ Լավրովը և Անդրեյ Մյախկովը, ԽՍՀՄ-ում դիտել են միլինավոր հանդիսականներ, և այն ճանաչվել է 1969թ. լավագույն ֆիլմ: Ֆիլմը նոմինացվել է «Օսկարի», սակայն մրցանակի չի արժանացել:
5. «Իսկ արշալույսներն այստեղ խաղաղ են», 1972թ.
Ստանիսլավ Ռոստոցկու ֆիլմը 1972 թվականին նոմինացվել է «Օսկարի», բայց պարտվել է. այդ ժամանակ «Օսկարի» արժանացավ կուլտային ռեժիսոր Լուիս Բունյուելը և նրա «Բուրժուազիայի համեստ հմայքը» ֆիլմը:
6. «Դերսու Ուզալա», 1975թ.
«Լավագույն օտարալեզու ֆիլմ»
Խորհրդային Միության և Ճապոնիայի համատեղ «Դերսու Ուզալա» ֆիլմը ստացել է բազմաթիվ մրցանակներ, այդ թվում նաև արժանացել է «Օսկարի»՝ «Լավագույն օտարալեզու ֆիլմ» անվանակարգում: Ֆիլմի սցենարիստը Յուրի Նագիբինն է, իսկ ռեժիսորը՝ հանճարեղ ճապոնացի Ակիրա Կուրոսավան:
7. «Սպիտակ Բիմ, սև ականջ», 1976թ.
Զարմանալի և հուզիչ այս ֆիլմը տեղ է գտել խորհրդային դասական կինոյի ֆոնդում: Ֆիլմը նոմինացվել է «Օսկարի», սակայն 1979 թվականին մրցանակը ստացել է ֆրանսիացի ռեժիսոր Բերտրան Բլիեի «Պատրաստեք ձեր թաշկինակները» ֆիլմը:
8. «Մոսկվան արցունքներին չի հավատում», 1979թ.
«Լավագույն օտարալեզու ֆիլմ»
1981 թվականին ֆիլմն արժանացավ «Օսկարի»՝ անցնելով Ֆրանսուա Տրյուֆոյին և Ակիրա Կուրոսավային: Ֆիլմի ռեժիսորը՝ Վլադիմիր Մենշովը, անձամբ չկարողացավ մասնակցել մրցանակաբաշխությանը. նրան մուտքի վիզա չէին տրամադրել: Ռեժիսորը «Ժամանակ» լրատվականից է միայն իմացել, որ արժանացել է «Օսկարի»:
9. «Անձնական կյանք», 1982թ.
«Փոքր մարդու» յուրօրինակ պատմություն, որը միշտ հատկանշական է ռուսական արվեստին, արժանացել է ծափահարությունների Վենետիկի կինոփառատոնում և նոմինացվել է «Օսկարի» 1983 թվականին:
10. «Ռազմադաշտային սիրավեպ», 1983թ.
Վերջին խորհրդային ֆիլմը, որը նոմինացվել է «Օսկարի»: Այն 1985 թվականին չարժանացավ մրցանակին, սակայն վերցրեց Արծաթե առյուծը բեռլինյան կինոփառատոնում:
Պատրաստեց Անի Գաբուզյանը
168.am
