Ինչպե՞ս արագ և համեղ ծովախեցգետին պատրաստել գրիլի վրա: Բրիտանացի հանրաճանաչ խոհարար Ջեյմի Օլիվերը գիտի պատասխանը: Խոհարարն իր ընտանիքի հետ ապրում է Հեմփսթեդում (Հյուսիսային Լոնդոն) գտնվող իրենց ամառանոցում, և իր հեռուստաշոուներում վերջինս հաճախ է խոսում իր ընտանիքի սիրելի ուտեստների մասին, իսկ խորոված ծովախեցգետինը դրանցից մեկն է։ Օլիվերի ամենահայտնի բաղադրատոմսը կգտնեք նրա «Super Everyday Food» գրքում:
Բաղադրիչներ մարինադի համար
1. Ռոզմարին – 1 ճյուղ
2. Սխտոր – 2 պճեղ
3. Աղ – 1/8 թ/գ
4. պապրիկա – 1/4 թ/գ
5. Զաֆրան – 1 պտղունց
6. Եռացրած ջուր – 1 ճ/գ
7. Խոշոր ծովախեցգետին – 6 հատ
8. Նարինջ – 2 հատ
Պատրաստման եղանակը
1. Պատրաստել մարինադը: Զաֆրանը թրջել տաք ջրի մեջ։ Ռոզմարինի տերևները տրորել սխտորի և աղի հետ։ Ավելացնել զաֆրանը, պապրիկան և ձեթը, լավ խառնել։
2. Ծովախեցգետինն ու մանր կտրատած նարինջը լցնել ամանի մեջ, ավելացնել մարինադը, լավ խառնել։ Թողնել մարինացվի 15 րոպե։
3. Գրիլը տաքացնել և ծովախեցգետինները յուրաքանչյուր կողմից տապակել մեկական րոպե: Անմիջապես մատուցել:
Պատրաստեց Անի Գաբուզյանը
168.am
